Digital Jasoos - ڈیجیٹل جاسوس

Digital Jasoos - ڈیجیٹل جاسوس

جرائم سے لڑتےالگورتھمز کی لرزہ خیز داستان.

دارالحکومت کے پولیس ہیڈ کوارٹر میں ہونے والی ایک عجیب چوری سے شروع ہونے والی یہ کہانی ہر پل ایک نیا موڑ لیتی ہے۔ یہ کیس ایک تجربہ کار سراغ رساں حمید کے سپرد کیا جاتا ہے۔ تفتیش کے دوران اس کا سامنا ایسے معموں اور پہیلیوں سے ہوتا ہے جنہیں حل کرنے کیلیۓ کمپیوٹرالگورتھمزکی مدد لی جاتی ہے۔

اپنی تفتیش کے دوران حمید مجرموں کی کشتی سے فرار ہونے کے لیے بائنرسرچ الگورتھم استعمال کرتا ہے، سرچ ٹری کی مدد سے جاسوسی کرتا ہے،ڈیپتھ فرسٹ سرچ کے ذریعے قید سے تالے کھولتا ہے،  اس (Priority Queue) خانے سے فرار ہوتا ہے اور ترجیحی قطاروں کے ساتھ آپ کی ملاقات انسپکٹر روشنی اور مرکزی محکمہ سراغرسانی کے ایجنٹ انور سے بھی ہوگی، جو اس کے ساتھ مل کر ایک بھیانک سازش کا پردہ فاش کرتے ہیں۔

اگر آپ الگورتھم اور ڈیٹا اسٹرکچرز کو صرف کمپیوٹر سائنس ہی کی موضوعات سمجھتے ہیں تو یہ ناول پڑھ کر آپ ماننے پر مجبور ہو جائیں گے کہ سراغرسانی بھی دراصل الگورتھم ہی کا ایک کھیل ہے۔ دونوں کا انداز ایک دوسرے سے مختلف ضرور ہے لیکن ایک اچھا کمپیوٹر پروگرامر اور ایک اچھا سراغرساں، دونوں ہی عملا بالکل ایک طرح سے اپنا کام کرتے ہیں۔ ناول میں ہر باب کے اختتام پر، انسپکٹر جمشید کی زبانی، کمپیوٹر سائنس کے اس موضوع کا تکنیکی خلاصہ دیا گیا ہے جو اس باب میں مرکزی حیثیت رکھتا ہے۔

اس ناول میں کمپیوٹر سائنس کی جن موضوعات کا احاطہ کیا گیا ہے ان میں کئی طرح کے الگورتھمز، کمپیوٹر سائنس کے اہم تصورات (مثلا اسٹرنگز، ایریز، اسٹیکس اور کیوز وغیرہ) غیر معمولی ڈیٹا سٹرکچرز کے مطابق سرچ الگورتھم میں ترمیم اور حالات کے مناسبت سے موثر ترین الگورتھم کے استعمال سمیت درجنوں دوسرے عنوانات شامل ہیں جو کمپیوٹر سائنس کے ہر طالب علم اور کمپیوٹر پروگرام کے لئے جاننا اور سمجھنا ضروری ہیں۔

یہ کتاب آپ کو اس قابل ضرور بنا دے گی کہ آپ مخصوص ریاضیاتی انداز میں لکھے گئے الگورتھم اور مختلف ڈیٹا اسٹرکچرز کو ایک منفرد انداز سے دیکھ سکیں گے اور عام زندگی میں ڈیٹا سائنس اور کمپیوٹر سائنس اور کمپیوٹر پروگرامنگ کے مسائل حل کرسکیں۔غرض کے آپ کمپیوٹر سائنس کا شوق رکھتے ہوں، طالب علم ہوں، استاد ہوں یا پھر پروفیشنل کمپیوٹر پروگرامر، یہ کتاب آپ کو ضرور پڑھنی چاہیے۔